Gira Uruhu Rutoshye Kandi Rukeye: Uburyo Bw’Umwimerere!

Gukesha uruhu? huh? Bamwe muri mwe bashobora kuvuga bati ‘yegoo! ibi ndabikeneye rwose.’ Abandi bo bashobora kuvuga bati ‘umm, kuki nahindura uruhu rwanjye?’

Inzozi za buri mukobwa wese ni ukugira uruhu rwiza kandi rukeye. Oya nako, inzozi za buri muntu wese ni ukugira uruhu ruzira inenge. Abagobo ndetse n’abagore, bose bifuza kugira uruhu runoze.

Kuki abantu bakesha uruhu rwabo?

Twese tuvukana uruhu rwiza. Iyo tukiri impinja uruhu rwacu nta bibazo ruba rufite. Ariko uko tugenda dukura, birahinduka bitewe n’impamvu zitandukanye. Niyo mpamvu benshi bahitamo gukesha uruhu rwabo kugira ngo bagabanye uturemangingo tugena ibara ry’uruhu tuzwi nka Meranine (Melanins).

Reka turebe bimwe mu byangiza uruhu rwacu;

Ingufu z’imirasire y’izuba zishobora kwangiriza uruhu rwawe. Ingufu z’imirasire y’izuba ni iki? Muri rusange, ni urumuri ruturuka ku zuba. Uru rumuri rufite akamaro. Urugero, rubamo vitamin yo mu bwoko bwa D. Nubwo bimeze bityo ariko, rushobora kugira ingaruka ku ruhu rwawe. Uru rumuri rushobora kuva ku bintu kamere urugero nk’izuba, cyangwa se rukava ku bintu byakozwe n’abantu urugero nka sunbed – ikintu kimeze nk’uburiri, kiba gifite amatara atanga urumuri, ku buryo ukiryamaho ukamera nk’urimo kota izuba.

Kunywa itabi n’inzoga nabyo  bishobora kwangiza uruhu rwawe. Bibuza oxijeni (oxygen) n’ibindi bintu nkenerwa kwinjira mu mubiri. Bishobora gutuma uruhu rwawe rugira ibara ridasanzwe, rugasaza imbura gihe, ndetse byangiriza n’amenyo yawe.

Imiti ikoreshwa mu isuku, ikura ibizinga mu myenda na kororine (chlorine) nabyo bishobora kwangiza uruhu rwawe. Iyo ufura imyenda yawe ukoresheje iyi miti, bishobora kugira ingaruka ku ruhu rwawe – bizwi nka areriji (allergies). Nanone, Kororine (Chlorine) iba muri za pisine (swimming pools) ishobora kwangiriza uruhu rwawe, igatuma ruzana amabara cyangwa rukijima.

Uko wakwita ku ruhu rwawe:

Nta mpamvu yo gukoresha amavuta cyangwa ibindi bintu byo mu rwego rwa shimi bishobora kwangiriza uruhu rwawe, ndetse bikaba byagira ingaruka zirambye. Amavuta akesha uruhu arimo idorokinone (hydroquinone), yarabuzanyijwe mu Rwanda kuko byagaragaye ko agira ingaruka mbi cyane ku ruhu rwacu. Ariko ibyo ntibiguhangayikishe. Ushaka uruhu rukeye? Jya mu gikoni cyawe urebe ngo byose birakemuka. Nibyo, wabyumvise neza. Ushobora gukesha uruhu rwawe ukoresheje ibikoresho byo mu gikoni cyawe. Yego, mu gikoni cyawe. Kugira rwa ruhu runoze umaze igihe wifuza, nti bisaba gutanga amafaranga menshi cyangwa kugura ibikoresho bihenze!

Sinamoni (Cinnamon mu Cyongereza)

Sinamoni ni ikirungo gikoreshwa mu biryo kugira ngo bihumure neza kandi biryohe kurushaho. Ishobora gukoreshwa mu kuvura ibiheri byo mu maso cyangwa mu gutuma uruhu rutumagara, kuko yifitemo ibirwanya za bagiteri, n’ibindi binyabuzima bizwi nka fungi.

Kugira ngo uvure ibiheri byo mu maso hawe, uvanga ikiyiko kimwe cya sinamoni n’ibiyiko bibiri by’ubuki. Bizavamo uruvange rukomeye ku buryo ushobora  kurusiga mu maso hawe. Numara kubyisiga ushobora kuzumva utuntu tukubabaza ku ruhu, ariko ibyo birasanzwe. Uzabigumishe kuruhu iminota 20 mbere yo kubikaraba.

Kugira ngo sinamoni itume ugira uruhu rutoshye, Ufata amavuta ya sinamoni ukayavanga n’aya Oliva cyangwa se Vaseline ubundi ukabisiga ku uruhu rwawe ro mu maso.

Nubwo bimeze bityo ariko, ni iby’ingenzi ku zirikana ko sinamoni ishobora kwagiriza uruhu rwawe iyo ikoreshejwe cyane. Igomba gukoreshwa inshuro ebyiri mu cyumweru. Uzatangira kubona impinduka ku ruhu rwawe mu cyumweru kimwe gusa.

Yawurute

Niba uzi Yawurute, uzi ukuntu iryoha ku buryo no kuyitekereza byonyine bituma amazi yuzura akanwa. Uzi n’ikindi? Usibye kuba yawurute iryoha, ni na nziza ku ruhu rwawe. Si bitangaje se? Ifite imiterere ihebuje irinda uruhu gusaza ndetse ikanabuza ibintu byangiza uruhu kwinjira mu twenge tw’uruhu. Urugero, ibamo zenke (zinc), Vitamini zo mu bwoko bwa B (B2,B5 na B12), na karisiyumu (calcium).

Yawurute yigiramo ubwoko bwa bagiteri nziza zituma uruhu rugarura ubuyanja, rukoroha, rugacya kandi ntirugire amabara cyangwa inkovu. Igabanyiriza ingufu uturema ngingo twuruhu twangiritse kandi ikagabanya iminkanyari.

Dore uko wabigenza kugira ngo yawurute igufashe kugira uruhu wifuza;

• Kugirango ugire uruhu rutoshye cyangwa rushashagirana, uvanga yawurute n’amavuta Oliva.
• Kugira ngo ukeshe uruhu rwawe, uvanga yawurute n’indimu  ubundi ukabisiga ku ruhu rwawe.
• Niba uruhu rwawe rugira amavuta menshi, uvanga yawurute na karoti ziseye.
• Kugira ngo ukire ibiheri, uvanga yawurute n’ubuki.

Uruvange urwo ari rwo rwose wahitamo gukoresha, rugomba kuguma ku ruhu rwawe iminota 30 kandi rugakoreshwa inshuro 3 mu cyumweru.

Ifu ya Gram (Gram flour – mu cyongereza)

Ifu ya Gram ni iki? Iyi fu iba ikoze mu cyitwa chickpea (Soma ‘ciki-pi’) – utu ni uduheke tujya kumera nk’amashaza, iyo twumye dusa umuhondo. Iyi fu ya Gram rero iboneka iyo baseye utu duheke tuzwi nka chickpea. Iyi fu ifite ubushobozi butangaje bwo gukura uruturemengingo dushaje mu ruhu ndetse no gukesha uruhu. Ifu ya Gram iba yifitemo zenke (zinc) na za vitamin nka niyasini (niacin), folate na ribofolavini (riboflavin).

Ifu ya Gram ishobora kuvangwa na turmeric (Ifu y’umuhondo iva mu gihingwa cyo mu bwoko bwa tangawizi), Ubuki cyangwa alowevera (Aloe Vera) n’indimu. Bizakesha uruhu rwawe, bikureho ubwoya, bikuvure ibiheri, birinde uruhu rwawe ingaruka z’izuba kandi bigabanye amavuta ku ruhu rwawe rwo mu maso.

Ipapayi

Ipapayi iteye ku buryo irinda za bagiteri, n’ibindi binyabuzima bizwi nka fungi. Nanone ifite anti-oxida (antioxidant) zituma uruhu rugarura ubuyanja. Iyi miterere ihebuje y’ipapayi ituma ishobora kwifashisha mu kuvura inkovu, ubushye n’indwara y’amabara yo kuruhu izwi nka melisma mu rurimi rw’icyongereza. Nanone ishobora kwifashishwa mu gukesha uruhu.

Uko wayikoresha: Sya ipapayi uyivange n’ubuki n’indimu. Kora uruvange rworoshye maze urusige ku ruhu rwawe rwo mu maso rumareho  cy’iminota 20.

Bizatuma uruhu rwawe rutoha, rushashagirane by’umwimerere kandi n’utwoya two mu maso tutari ngombwa tuveho. 

Turmeric (soma ‘‘tumerik’’): Ifu y’umuhondo iva mu gihingwa cyo mu bwoko bwa tangawizi

Turmeric iri mu bwoko bumwe na tangawizi. Abahinde bamaze ibinyejana byinshi bayikoresha mu gukesha uruhu rwabo. Turmeric ifite ubushobozi bwo kuvura no kurinda uturemangingo tw’uruhu rwawe.

Ushobora kuvanga turmeric n’ubuki cyangwa amazi kugirango wivure ibiheri, kubyimbirwa cyangwa ububare buterwa na areriji (allergy).

Kugira ngo ukeshe ibice byirabura cyane by’uru rwawe, ukureho ibara ry’umukara rikunze kuza ku maso cyangwa se iminkanyari, uvanga turmeric n’amazi y’indimu na yawurute cyangwa amata.

Ntago uhita ubona impinduka ako kanya ariko uko igihe kigenda gihita uzazibona. Nutangira kubona impinduka, ntuzigera wifuza kureka kubikoresha.

Zirikana ko turmeric ishobora gutuma uruhu rwawe rugira amabara y’umuhondo nyuma y’uko ukuyeho uru ruvange, ariko nyuma y’amasaha make birashira. Niyo mpamvu ari byiza ko uyivanga n’amata kuko atuma aya mabara atagaragara cyane.

Oatmeal (Soma ‘’Oti-mili’’)

Niba usanzwe uzi ingano, byakorohera kumenya Colloidal oatmeal – Iyi kugira ngo iboneke, bafata impeke z’ingano bakazisya mo ifu. Igira imyunyungugu, za vitamin na poroteyine (proteins) zishobora gutuma uruhu rwawe ruba rwiza cyane. Oatmeal ifite ubushobozi bwo gutuma uruhu rwawe ruhehera kandi ikarukiza ububabare; bivuze ko ishobora kwifashishwa mu kuvana uturemangingo dupfuye ku ruhu rwawe, ikavanaho amabara y’umukara, ikavura ibiheri kandi ikavura ububare bwo ku ruhu.

Oatmeal ifite ubushobozi bwo gukuraho za sayitokine (cytokines) – izi zikaba ari za poroteyine (proteins) zituma uruhu rubyimba cyangwa rugatukura.

Izatuma uruhu rwawe ruhehera, ruhore runyerera kandi rukeye.

Amavuta meza akesha uruhu:

Hari amavuta akesha uruhu atarimo ibintu byo mu rwego rwa shimi byayangiza uruhu. Hasi aha hari urutonde rwa amwe muri yo – abaganga buruhu bemeje ko ushobora kuyakoresha ntagire ingaruka ku ruhu rawe.

Dore amwe mu mavuta ushobora gukoresha;

• Medik8-tetra cream
• Antipodes manuka honey skin
• Intraceuticals opulence moisture
• Murad environmental shield city-skin
• SK-II Cellumination Deep surge

Sura uru rubuga: ubone amakuru arambuye ku mavuta atagira ingaruka ku ruhu.

Ibintu bitagomba kuba mu mavuta akesha uruhu:

• Idrokinone (Hydroquione)
• Merikire (Mercury)
• Impumuro
• Diyoxide (Dioxine)
• BHT & BHA
• Siteroyide (Steroids)

Ni he nagurira aya mavuta?

• Catchyz
• Kasha
• Vine Pharmacy

Zirikana ko uruhu rwawe ari rwiza, ibara iryo ari ryo ryose rwaba rufite.

Ntiwagombye gukoresha ibintu byangiza uruhu ngo aha urashaka uruhu rukeye. Ibyiza ni uko wakoresha uburyo bw’umwimerere. Iyo, ukoresha ubu buryo bw’umwimerere bwo gukesha uruhu, bishobora gutwara igihe kugira ngo ubone impinduka ugereranyije n’amavuta akesha uruhu ariko nibwo buryo bwiza kandi butangiriza ubuzima bwawe. Nugerageza ubu buryo bikanga, uzashake muganga w’uruhu agufashe.